Alle nyheter

Årets "russebukett"

post@laoma.no (Lars Arvid Oma) — Thu, 16 May 2013 07:37:37 GMT

Me vil ynskja alle elevar, tilsette, foreldre og andre Framnes-vener ei retteleg fin 17.mai-feiring!
På biletet ser de årets flotte "russebukett".
Foto: Lisbeth Fredheim Oma

Sjå fleire foto HER!

Markerte fridomsdagen

post@laoma.no (Lars Arvid Oma) — Fri, 10 May 2013 07:37:15 GMT

Lærarar og elevar markerte 8. mai, fridomsdagen, ved å leggja ned blom på minneplata for dei åtte frå Framnes som fall i krigen. Ingvill Sørheim las diktet "17.mai" av Nordahl Grieg og dei frammøtte song "Gud signe vårt dyre fedreland".

Foto: Maria Alfsvåg Kaldestad

Lotteri-vinnarane

post@laoma.no (Lars Arvid Oma) — Fri, 10 May 2013 07:17:14 GMT

No er trekninga av misjonsprosjekt-lotteriet ferdig. Her er vinnarane!

1. Tahe Wind Solo plastkajakk: Helene Bjørsvik
2. Balans Easy stol: Andreas Varborg
3. Stjernekikkert: Andreas Varborg
4. Bord frå Kleppe møbelfabrikk: Nils Arne Tufteland
5. iPad mini: Gunnar Hetlesæter
6. Gåvekort frå Stena Line: Grethe L. Berge
7. Gåvekort på familiemiddag Hardangerfjord hotell: Usolgt lodd, tilfaller lotteriet
8. Treningsjakke: Martin Sortland
9. Duk frå Ukraina: Andreas Eide
10. OBH Nordica varmeteppe: Svein Nøttveit
11. Sukker- og kanelbøsse: Jakob Andreassen

Mvh
Henrik Sørås
Misjonsprosjektleiar 2012/2013

"Kom mai du skjønne milde..."

post@laoma.no (Lars Arvid Oma) — Fri, 03 May 2013 09:01:57 GMT

I år er det visst det meste unormalt når det gjeld vêret. Det har nok vore snø i mai tidlegare år også, men det er truleg ei stund sidan. På Framnes ligg det til rette for både snømenn og snøballkring, i ei tid på året det vanlegvis er grøne plenar og vårleg stemning. På tunet møter eg ein uvanleg doning på denne tida. Ein brøytetraktor.

– Far min starta brøytinga i Vikøy i 1971, og det er fyrste gongen me brøyter 3. mai, fortel Leif Sørheim. Han ventar på å få sleppa sauene og lamma på vårbeite. Men det kan visst bli ei stund tid, slik det ser ut no. Han er usikker på korleis det vil gå med avlingane i år med så sein start på vekstsesongen.

– Til samanlikning hugsar eg godt våren 2000. Då var det 20 cm gras og langt framskriden vår. Det er litt av ein forskjell. Ja, ja. Eg får brøyta vidare. Ha ein god sommar, seier han med eit breitt smil og set kursen ut av tunet.

Ein får tru at varmen kjem snart.

Tekst og foto: Lars Arvid Oma

Sjå fleire foto i Fotogalleriet

Rekordkveld med mange nye rekordar

post@laoma.no (Lars Arvid Oma) — Fri, 03 May 2013 08:02:22 GMT

Lørdag 20. april var det klart for den årlige rekordkvelden på Framnes; Framnes Guinness World Records.
Her hadde elevene mulighet til å slå den gamle rekorden, og få navnet sitt opp på "the wall of fame" på hemsen! Dette ble en veldig kjekk kveld med stort engasjement både blant publikum og deltakerne, og 6 av 8 rekorder ble slått.
Av rekordene de kunne slå var blant annet: "flest q-tips i nesen", "flest marshmallows i munnen", "sterkeste gutt/jente" og "flest klesklyper i ansiktet".
Kvelden ble avsluttet med en tålmodighetstest i peisestova, der deltakerne måtte stå inni en avmerket rute, og holde i et tau, uten å kommunisere. Og den som sto lengst, vant en iPad Mini. De fikk servert vann hver halvtime de siste fem timene som de måtte drikke, men mange var godt forberedt på det, og hadde sekken full av tomme brusflasker. Vinneren ble Fredrik Røed, som stod i 9 timer og 16 minutter!

Tekst og foto: Rebecca Landro Hummelsund

Sjå fleire foto i Fotogalleriet

Foreldrerådsmøte laurdag 9. februar 2013

post@laoma.no (Lars Arvid Oma) — Thu, 02 May 2013 09:18:24 GMT

Referat Foreldrerådsmøte laurdag 9. febr. 2013

1A: Britt Spjeld; 1B: Cato Lyngøy; 1C: Randi Minde; 2A: Alis Nortveit; 2B: Åse Enes, 2C: Eva Sandtorv; 3A: Britt Rød, 3B: Møtte ikkje, 3C: Ivar Espelid

Rutiner:

* Foreldrekontaktane sender ut referat til sine klassar. Ein kort versjon vert lagd ut på heimesida.

* Kontaktlærar sørger for å få inn mail-adresser frå alle foreldre om hausten.

Saker frå førre møte

Nokre saker frå sist møte vart drøfta. 1) Lærarane bør setje frist for innlevering til eit tidpunkt i god tid før nettet vert slått av, t.d. kl. 21.00. 2) Fint om det kan stå ute litt mat for elevar som kjem til internatet søndag kveld. 3) Den tidlegare ordninga med avgangselevar som badevakt til faste tider, var god. Ønskjer den tilbake.

Tema for klasseforeldremøte var 1) Fråvær 2) Utanlandsturar

Ad 1) Dette vart ikkje oppfatta som stort problem i Vg1 og Vg2, men foreldra må følgje med fråværet til borna. Foreldra i Vg3 meiner elevane må hjelpe kvarandre til å kome seg opp. Lærarane må motivere elevane til å stå på den siste tida mot eksamen. Bekymringsmeldingar til eleven bør også sendast til foreldra sjølv om dei er over 18 år. Elles er det viktig å jobbe med motivasjon på ulike måtar, dårlege trendar, belønning, godt miljø osb.

Ad 2) Framnes må sjølv avgjere korleis ein skal profilere seg. Det var forståing for at elevane kan gjennomføre to turar som er tilrettelagt av skulen, i løpet av tida på Framnes. Det er ikkje ønskjeleg med to turar i løpet av eit år. Turprofilen må vere kjent for dei som søkjer til skulen, slik at dei veit kva dei møter i forhold til kostnadar.

Anna

Harald orienterte om det skriftlege tilsynet som Udir. har med Framnes. Framnes har fått varsel om nokre pålegg som er under utbetring.

Refr.: Jostein Moldsvor

Kontaktskapande team

post@laoma.no (Lars Arvid Oma) — Fri, 26 Apr 2013 11:12:17 GMT

Framnes har hatt besøk av eit reiseteam på fire frå T2-utdanninga på Bildøy bibelskule den siste veka. Saman med forkynnar Tor Ingvald Lauvrak (35) har ungdommane vore med å prega miljøet. Teamet har hatt møter på kveldane, andaktar på morgonsamlingane og har mellom anna delteke på idrettsaktivitetar – som frisbeegolf – og andre miljøskapande aktivitetar.

På sundag er det slutt for denne gongen.

– Det er alltid kjekt å få koma til skulen. Me vert så godt mottekne, og det er ein lett plass å vera. Her møter me elevar som ikkje er så mykje yngre enn oss. Det er lett å koma i kontakt, seier ein av deltakarane i teamet, Gunnar Eldevik.

Han og medstudentane Hanna Marie Heggset og Hanna Knutsen, skal vera på Framnes fram til sundag. Det er ikkje fyrste gongen temaet er på skulen.

Ifølgje Lauvrak har det vore fine samlingar, med bra oppmøte.

– Du har vore forkynnar i 13 år. Kva er det som driv deg?

– Eg trur Gud har kalla meg til dette. Sjølv om det er mykje gøy med det å arbeida med ungdom, gjer eg det ikkje ”for gøy”. Det er eit oppdrag eg ikkje klarar å slutta med. Det er meiningsfullt. Eg trivst betre og betre, og får brukt meir og meir av meg sjølv i jobben, seier han.

Lauvrak arbeider halve året som forkynnar i Indremisjonsforbundet. Resten av arbeidsåret køyrer han trailer for eit firma på Bore på Jæren.

– Kva brenn du for?

– Fyrst og fremst at menneske skal verta frelste. Eg er også oppteken av at kristne skal få ta nye steg i truslivet og få oppleva fridom frå synd og sår som er med på å binda livet og utfaldinga. Det er godt å få leva eit frigjort liv, seier han.

Tekst og foto: Lars A. Oma

Jobbe på Framnes?

fredrik@nbmedia.no (Fredrik Haaland) — Mon, 22 Apr 2013 20:42:14 GMT

Kjøkenassistent
Det er ledig stilling som kjøkenassistent i 60 prosent frå 1. august. Stillinga er eit vikariat for 1 år, med høve til forlenging.
Framnes har eit moderne og godt utstyrt storkjøken med totalt 9 tilsette.
Den som vert tilsett går inn i turnus med arbeid på dagtid, kveldstid og i helg. Ein må delta i skulen si tilsyns-ordning.

Aktuelle kandidatar vert kalla inn til intervju.

Søknadsfrist: 10. mai 2013

Kontaktinformasjon og søknadsskjema finn du på
www.framnes.vgs.no. Ein kan også kontakte kjøkenleiar på tlf. 975 49542 for fleire opplysningar.

Søknadsskjema - undervisningsstilling

Last ned skjema

Søknadsskjema - ikkje-pedagogisk personale

Last ned skjema

Franske elevar på besøk

post@laoma.no (Lars Arvid Oma) — Fri, 19 Apr 2013 11:59:19 GMT

15 elevar og læraren deira, Hélène Rodier, frå den katolske skulen Lyceé Sacré Coeur i Yssingeaux i Frankrike, har vore gjester på Framnes sidan måndag. Elevane har vore på tur til Eidfjord og Vøringsfossen, og har fått oppleva Bergen – med besøk på akvariet og tur med Fløybanen. Dei har også vore på rundtur i Kvam, mellom anna til Steinsdalsfossen og Kvam ungdomsskule. I tillegg har dei fått god tid til å verta kjende med elevane på Framnes i fransk- og engelskundervisinga, og på fritida – med ei rekkje idrettsaktivitetar. Dei franske elevane har fått prøvd seg i engelsk, og dei norske elevane har fått brynt seg på å snakka både fransk og engelsk.

Tekst: Lars Arvid Oma Foto: Lars A. Oma og Hélène Rodier

LES MEIR UNDER!

SJÅ FLEIRE FOTO HER

Les mer …

Turnerte for MAF

post@laoma.no (Lars Arvid Oma) — Thu, 18 Apr 2013 13:01:38 GMT

Torsdag førre veke sette 70 russ kursen mot Bryne saman med miljøarbeidarar og to frå personalet. Vel heime att kan dei engasjerte elevane sjå tilbake på mange opplevingar og fin innsats for Misjonsprosjektet. Bøsseaksjon og kollekt resulterte i 23.000 kroner til MAF (Mission aviation fellowship). Med andre ord, solid innsats! Den fyrste natta overnatta gjengen i Frøyland forsamlingshus. Der var det samling med dagleg leiar i MAF, Øystein Samnøen. Fredag føremiddag gav han elevane gode råd til korleis ein kan leva eit lukkeleg og meiningsfullt liv.

Seinare på dagen flytta russen seg til Jærtun lutherske friskule på Bryne. Dette var basen dei neste to døgna. Delekvelden fredag var eitt av høgdepunkta på turneen. Elevane fekk høve til å seia litt om kva tida på Framnes har hatt å seia for dei, og fortelja om planane for tida etter Framnes. Dette vart ei sterk oppleving for mange. Særleg det å få høyra korleis tida på Framnes har endra liva til det betre for medelevar. Laurdag føremiddag hadde russen bøsseinnsamling og stand på eit kjøpesenter i Bryne sentrum. Bøsseinnsamlinga gav 15.000 kroner i ”misjonsprosjektkassa”. På veg heim sundag formiddag tok gjengen ein stopp i Stavanger, der elevane var med på eit møte i Salem. Russen bidrog med misjonsinformasjon, vitnesbyrd og song. Ved utgangen fekk møtedeltakarane høve til å gje ei gåve til MAF. Kollekten vart på heile 8.300 kroner!

Det er god grunn til å vera nøgd og takksam for russen. Turneen vart gjennomførd på ein svært positiv måte og gav eit solid inntrykk av elevar som engasjerer seg og som oppfører seg skikkelig.

Tekst og foto: Lars Arvid Oma og Lisbeth Fredheim Oma

Sjå fleire foto frå turneen her!