brosjyre
Hei alle Framnes-vener!
Elevstemnet nærmar seg med stormsteg. Dersom du treng meir informasjon om stemnet, kan du klikke det inn på BROSJYREN! Denne kan du lasta ned og studera i fred og ro. Du finn også meir generell info om elevlaget og stemna på nettsida HER.

Skjermbilde_2016-04-26_kl._14.07.31
Når de skal ha kontakt med dei tilsette, bruk telefonen i staden for å senda melding. Eller bruk vanleg epost, direkte til skulen eller til epostadresser du kjenner frå før. Meldingsfunksjonen på nettsida er ute av drift. Me arbeider med saka!

mvh
Lars A. Oma
Webredaktør

001varen_2016
Det er framleis kaldt om nettene, men sola varmar om dagen. Bløminga på Framnes er i full gang. Litt meir varme no, så vil våren truleg eksplodere i alle slags fargar - og Hardanger vil stiga fram i si finaste drakt!
Foto: Lars A. Oma
002varen_2016
20160422_172352
Miljøavdelinga på skulen finn stadig på kjekke ting. I helga var det utandørssjakk med store brikker. Elevane laga sitt eige sjakkbrett med kritt, akkurat som i før i tida. Det ser ut til at det var ei alle tiders sjakkoppleving i finvêret.

Foto: Anita Espevik
20160422_172453
20160422_174553.jpg

001idrettshallen
Arbeidet med den nye idrettshallen er godt i gang. "Pæling", graving og anna naudsynt grunnarbeid skrid framover.
Foto: Lars A. Oma
002idrettshallen
003idrettshallen
004idrettshallen
menneskeverd
Måndag 18. april hadde me besøk frå organisasjonen Menneskeverd ved Anette Sørensen. Menneskeverd er ein organisasjon som har fokus på dei «svake» i samfunnet i Norge. På Framnes samla me alle elevane i tre økter (Vg3, Vg2 og Vg1 kvar for seg) og fekk foredrag om dei to temaene «abort» og «selekteringssamfunnet». Begrepet «fosterreduksjon» har vore eit aktuelt tema i debatten i Norge i seinare tid. Ved hjelp av bilder og filmar greidde Anette å engasjere oss og få oss til å tenke over desse aktuelle problemstillingane.
Takk for besøket!

Tekst og foto
Jostein Moldsvor

revyen_2016_etter_pause_3.jpg

"Størst av alt er eksamen" (med strek over "kjærleiken") var tittelen på årets russerevy på Framnes. Masse ungdommeleg energi, kreativitet og fantasi resulterte i ei flott framsyning med gode poeng og god imitasjon. Det var lett å kjenna igjen fleire kjende "figurar" på Framnes. "Konflikten" mellom gode eksamesresultat og kjærleik vart belyst frå fleire interessante vinklar.  Godt manus, godt band, gode skodespelarprestasjonar og god teknikk gjorde revyen til ei fin oppleving. Godt jobba!

Foto: Lars A. Oma

Sjå mange fleire foto på Facebook!

 

003byggestart_for_idrettshallen
I går starta arbeidet med den nye idrettshallen på Framnes! Entreprenøren Brødrene Ulveseth AS er i full gang med å planera området, og Kvam kraftlag AS har sett opp trafostasjon. I løpet av dagen skal det etter planen setjast opp sikringsgjerde og arbeidsbrakker. Om kort tid startar arbeidet med å setja ned pælar i grunnen. Me gler oss over satsinga!

Foto: Lars A. Oma
002byggestart_for_idrettshallen
001byggestart_for_idrettshallen
eivind_daniel
Ein av idrettslærarane på Framnes, Eivind Daniel Røed, er teken ut til landslaget som skal til UEFS Futsal EM i Moskva i slutten av mai.
Det norske landslaget har fått ei tøff trekning. Laget er i gruppe med Frankrike og vertsnasjonen Russland.
Fotballspelaren Røed har 35 landskampar bak seg som kaptein for gutar 15 – 19. Han har også hatt kontrakt med A-laget til Sogndal i fem år. Etter ein skadeperiode er han tilbake, no på futsallandslaget. Gratulerer!

Foto: Erlend Løvfall (spelarfoto)
Foto: Lars A. Oma (trenarfoto, Røed t.h.)
001eivind_daniel
DSC_0009
Kva er betre som avslutning før påske enn ein gjennomgang av påskeevangeliet? Sigurd Dahle (far til ein tidlegare elev) hadde ein flott monolog der han siterte/dramatiserte store delar av Johannes-evangeliet. Det er imponerande å høyre ein mann siterer Johannes-evangeliet utanåt i over ein time! Med enkle effektar (to krakkar) fekk han fram bodskapen på ein flott måte. For å variere litt «leigde han inn» nokre elevar som statistar med korte sitat. Sjølv med berre ei kort øving med elevane gjorde dei ein flott innsats under framføringa!
Me takkar Sigurd for denne flott starten på påska!
Og med dette vil me ønske alle ei god påskehøgtid, etterfølgt av vinterferie!

Tekst og foto: Jostein Moldsvor
DSC_0010
DSC_0012
DSC_0015
DSC_0022